الجزء الاول من كل بلاد اكله

أخواتي الحبيبات في عالم حواء و كل محبي أختنا الغالية don و ملفاتها

نظرا لكثرة الاكلات في ملف من كل بلد أكلة وصعوبة تصفح كامل الملف للبحث عن أكلة معينة، فقد قمت بتلخيص جميع الاكلات بالملف و وضعتها بهذا الموضوع لتكون مرجعا سهلا للجميع، و لكن اعذروني الملخص غير مصور و اعذروني على أي تقصير فلقد قمت بعمل التلخيص على عجالة. و كل ما أتمناه منكم هو الدعاء لأختنا دون و الدعاء لي و لوالدي و الان أترككم مع الملخص

من كل بلد أكلة

بوم الا كريم (بطاطس بالكريمة)
نص كيلو بطاطس - نص كيلو حليب - 2 صفار بيضة - معلقة كبيرة زبدة - فص ثوم مهروس - بصلة مبشورة - نص كوب كريمة لبانى - ملح - فلفل - جبنو مبشورة
الطريقة:
اقشر البطاطس واقطعها حلقات رفيعة اتخن من الشيبس حاجة بسيطة فى طبق فرن اضع الزبدة كلها فى الصينية وارصص شرائح البطاطس. ارش على الوش الثوم والبصلة والملح والفلفل . اصب نص كمية الحليب على البطاطس ثم اضع صفار البيض على باقى كمية الحليب واخلطهم مع بعض ثم اضع عليهم الكريمة اللبانى واخلط تانى كويس ثم اصبهم على الصينية وارش الوجه كله بالجبنة المبشورة . ادخل الصينية الفرن على الرف اللى تحت علشان تغلى وتستوى وبالهنا والشفا
اللازانيا
كيلو دقيق - 100 جم زيت - 3 بيضات - 50 جم حليب - زرة ملح- لحمة معصجة بالصلصة - بشاميل خفيف - جبنة مبشورة
الطريقة
اضع على الدقيق الزيت وزرة الملح و2 بيضة فقط واخلطهم بأيدنا كويس ثم اضع عليهم الحليب وافضل اعجن بأيدى وحتكون العجينة جامدة وانتم بتعجنوا ثم اضع البيضة اللى باقية عندنا واكمل العجن على الرخامة كويس ارش الرخامة دقيق وافرد العجينة بالنشابة مع رش دقيق على وشها وتحتها اثناء الفرد ثم اقطعها مربعات مثل شكل اللازانيا اللى بتشتريها ونسلقها فى ماء مغلى وبعد ماتطلعيها من ماء السلق تطلعيها فى طبق فية ماء مثلج ومكعبات ثلج . ابدء فى عمل صينية اللازانيا . اضع فى الصينية طبقة لازانيا وفوقها طبقة عصاج ثم طبقة جبنة ثم طبقة طبقة لازانيا ثم طبقة عصاج ثم بشاميل يغطى كل الصينية ثم طبقة جبنة وندخلها الفرن لمدة حوالى ربع ساعة وبالهنا والشفا
مكرونة بالسى فود
مكرونة فيونكات - جمبرى - سبيط - سمك فيلية - كابوريا - جندوفلى - ثوم - ملح - فلفل- معلقتين زبدة - كمون - ليمون - حليب
الطريقة
(ملحوظة :ممكن تشتريها جاهزة )
اولا طريقة عمل المكرونة
كيلو دقيق - 100 جم زيت - 3 بيضات - 50 جم حليب - زرة ملح
اضع على الدقيق الزيت وزرة الملح و2 بيضة فقط واخلطهم بأيدنا كويس ثم اضع عليهم الحليب وافضل اعجن بأيدى وحتكون العجينة جامدة وانتم بتعجنوا ثم اضع البيضة اللى باقية عندنا واكمل العجن على الرخامة كويس
ارش الرخامة دقيق وافرد العجينة بالنشابة مع رش دقيق على وشها وتحتها اثناء الفرد .اقطع العجينة شرائح بالطول ثم بالعرض حتتكون عندك مستطيلات صغيرة . تاخدى كل مستطيل وتضغطى علية بصوابعك من النص حتتكون عندك شكل الفيونكة تضعيها فى الماء المغلى تتسلق وتستخدميها عادى مثل الجاهزة بالظبط . اضع فى المقلاية معلقتين زبدة واشوح فيها الثوم المهروس ثم اضع الجمبرى - سبيط - سمك فيلية - كابوريا - جندوفلى والملح والكمون والفلفل واقلب فيهم كويس لمدة 10 دقايق ثم اضع المكرونة الفيونكة واقلب تقليبتين تلاتة ثم اضع نص كوب حليب او كريمة لبانى واقلب لحد ماتاخد غلوة او غلوتين
مكس جريل سى فود
جمبرى - سبيط - سمك فيلية - كابوريا - جندوفلى - كفتة جمبرى - ملح - فلفل- كمون - بصل مبشور تماما - طماطماية كبيرة مبشورة -ليمون - ثوم مهروس
الطريقة
اولا كفتة الجمبرى
نجيب الجمبرى الصغير خالص ونقشرة ونقطعه بالسكينة صغير قوى ثم نضع علية ملح وفلفل وكمون وليمون وثوم ونتبله كويس وبعدين نجيب كبشة دقيق نعجن بيها الجمبرى لحد ما يمسك نفسه . نعمله صوابع ونحمرها او بعد مانعملها صوابع نشويها على الشواية مع البحريات اللى عندنا
نتبل الجمبرى - سبيط - سمك فيلية - كابوريا - جندوفلى بالبصل والكمون والملح والفلفل وعصير الليمون والطماطم والثوم ونخلطهم بأيدنا كويس وبعدين نرصصهم على الشواية الفحم لحد مايتشووا
ملحوظة: تاللى معندهاش شواية بالفحم ممكن تجيب مقلاية كبيرة وتضع فيها شوية زيت صغيرين وتشوح كل البحريات فيها وبعدين تولع فحمة وتحطها فى منتصف البحريات وتغطيها علشان ياخد طعم الشوى